Datenschutzerklärung

Societad svizra da radio e televisiun
Decleraziun davart la protecziun da datas ed il consentiment


DISPOSIZIUNS DAVART LA PROTECZIUN DA DATAS PER IL MANAGEMENT DA CANDIDATS
La Societad svizra da radio e televisiun (SRG SSR)* prenda serius la protecziun da Vossas datas persunalas. La preschenta decleraziun davart la protecziun da datas ed il consentiment a las «Disposiziuns davart la protecziun da datas per il management da candidats» As dat infurmaziuns co che la SSR tracta Vossas datas persunalas che Vus inditgais cun utilisar nossa purschida online per plazzas e carriera.

Consentiment
Cun registrar
  • Vossa adressa dad e-mail per in abunament da plazzas,
  • Voss profil e
  • Vossa annunzia online ad ina plazza averta tar la SSR
dais Vus il consentiment a la SSR d'astgar elavurar Vossas datas persunalas (vesair er ils puncts «Datas persunalas registradas» ed «Intent da l'elavuraziun da datas» plinengiu).

Datas persunalas registradas
Cun As annunziar per in abunament da plazzas registrais Vus Vossa adressa dad e-mail. Vus pudais dal reminent er endrizzar in abunament da plazzas senza in'annunzia concreta cun agid da Vossa adressa dad e-mail.

Per Vossa annunzia a plazzas avertas tar la SSR
  • As registrais Vus cun inditgar Voss num d'utilisader ed in pled-clav sco utilisader (profil) ed
  • inditgais ulteriuras datas persunalas: titulaziun, prenum, num, adressa dad e-mail, lingua da l'utilisader, pajais, telefon e Voss documents d'annunzia (p.ex. brev da motivaziun, curs da la vita, diploms da scolaziuns e da perfecziunaments, attestats da lavur) sco era la resposta a „Co avais Vus intervegnì da nus?“. Questas datas èn las indicaziuns minimalas marcadas cun ina staila.
Intent da l'elavuraziun da datas
Tut las datas che Vus inditgais per endrizzar in abunament da plazzas vegnan utilisadas per infurmar Vus davart novas plazzas.
Tut las datas che Vus inditgais cun As registrar sco utilisader per pli tard As annunziar, vegnan duvradas per examinar e valitar Vossa annunzia per ina tscherta plazza e per contactar Vus persunalmain.
Sche Vus avais dà Voss consentiment che Vossas datas pon vegnir memorisadas era suenter in'occupaziun concreta d'ina plazza e che la SSR dastga render attent Vus a purschidas da plazzas interessantas, vegnan Vossas datas elavuradas per quest intent.
Las datas persunalas pon vegnir elavuradas per intents statistics. La statistica na permetta betg da trair conclusiuns davart singulas persunas.

Access a las datas
Nus tractain a moda confidenziala las datas che Vus avais inditgà a nus. En il rom d'ina annunzia concreta han sulettamain persunas incumbensadas cun occupar quella plazza invista en las datas che Vus avais inditgà. Quai èn surtut collavuraturs da las partiziuns da persunal da la SSR ed il schef da partiziun pertutgà.
Cun As registrar per in abunament da plazzas senza in'annunzia concreta han sulettamain collavuraturs da partiziuns da persunal da la SSR access a Vossas datas.
Cun dar il consentiment che Vossas datas pon vegnir memorisadas era suenter in'occupaziun concreta d'ina plazza e che la SSR dastga render attent Vus a purschidas da plazzas interessantas, han ils collavuraturs da las partiziuns da persunal da la SSR ed ils schefs da partiziun pertutgads invista en las datas che Vus avais inditgà.

Segirezza da las datas
Vossas datas vegnan transmessas via ina colliaziun segira criptada cun 128 bit. Per il management d'annunzias collavura la SSR cun l'umantis AG e per il management da l'abunament da plazzas cun la Prospective Media Services PMS AG. Quellas interpresas èn obligadas da respectar las disposiziuns davart la protecziun da datas.

Memorisaziun ed annullaziun da las datas tras la SSR
Sche Vus entrais en plazza tar la SSR sin fundament da Vossa annunzia, vegnan Voss documents d'annunzia archivads en Voss dossier persunal.

Per cas che Vus As annunziais per ina plazza, na la survegnis però betg u sche Vus retirais Vossa annunzia, vegnan Vossas datas en connex cun quella plazza stizzadas automaticamain il pli tard suenter 12 mais. Nun che Vus hajas dà Voss consentiment che Vossas datas possian vegnir memorisadas era suenter in'occupaziun concreta d'ina plazza e che la SSR dastgia render attent Vus a purschidas da plazzas interessantas.

Voss profil che Vus avais creà cun As registrar sco utilisader resta en vigur, nun che Vus al stizzias sez resp. dumondias d'al annullar.

Sche Vus dumandais da stizzar Vossas datas, vegnan quellas stizzadas automaticamain suenter il pli tard 12 mais.

Vus na retschavais nagin messadi, cura che Vossas datas vegnan stizzadas.


Modificaziun
La SSR sa resalva il dretg da modifitgar da tut temp questa decleraziun davart la protecziun da datas «Disposiziuns davart la protecziun da datas per il management da candidats».

Infurmaziuns
Per infurmaziuns en connex cun la decleraziun davart la protecziun da datas «Disposiziuns davart la protecziun da datas per il management da candidats» pudais Vus As drizzar a las resursas umanas da la SSR (e-mail: hr@srgssr.ch).


* Cun la Societad svizra da radio e televisiun (SSR) èn manegiadas la SSR, las unitads d'interpresa SRF, RTS, RSI, RTR e SWI, la societad affiliada da la SSR, il Technology and Production Center Switzerland AG (tpc), sco era la societad regiunala da la SSR, la SSR Svizra tudestga.

Berna, ils 3 d'avrigl 2019